सांगली : जैन सभेच्या शताब्दी अधिवेशनाचे शानदान उद्‍घाटन | Sakal
sakal

बोलून बातमी शोधा

 दक्षिण भारत जैन सभेच्या यंदाच्या शताब्दी अधिवेशनाचा उद्‍घाटन सोहळा

सांगली : जैन सभेच्या शताब्दी अधिवेशनाचे शानदान उद्‍घाटन

सांगली - दक्षिण भारत जैन सभेच्या यंदाच्या शताब्दी अधिवेशनाचा उद्‍घाटन सोहळा शनिवारी सकाळी थाटात संपन्न झाला. नांदणी मठाचे प.पू. स्वस्तिश्री जिनसेन भट्टारक पट्टाचार्य महास्वामीजींच्या पावन सानिध्यात आणि सभा पदाधिकाऱ्यांच्या प्रमुख उपस्थितीत उद्‍घाटन झाले.येथील नेमिनाथनगर कल्पद्रुम क्रीडांगणावर भव्य सभा मंडपात जैन सभेचे ऐतिहासिका अधिवेशन दोन दिवस चालणार आहे. रविवारी (ता. १५) मुख्य दिवस आहे. आज उद्‍घाटन आणि शाखा अधिवेशनाची धामधुम सुरु झाली आहे.

महाराष्ट्र आणि कर्नाटक राज्यात विस्तार असलेल्या सभेच्या या सोहळ्यासाठी हजारो लोक सांगलीत दाखल झाले आहेत. दिवाणबहादूर अण्णासाहेब लठ्ठे नगर असे नाव देण्यात आले असून त्याचे उद्‍घाटन डॉ. भरत लठ्ठे यांच्या हस्ते करण्यात आले. आमदार प्रकाश आवाडे यांच्या हस्ते धर्म ध्वजवंदन झाले. सहकार महर्षी स्व. शामराव पाटील यड्रावकर शांतिपीठ उद्‍घाटन माजी आमदार प्रा. शरद पाटील यांच्या हस्ते झाले. राज्यमंत्री तथा अधिवेशनाचे स्वागताध्यक्ष राजेंद्र पाटील यड्रावकर यांच्या हस्ते दीपप्रज्वलनाने उद्‍घाटन झाले. श्रावकरत्न रावसाहेब पाटील यांनी अध्यक्ष म्हणून पदग्रहण केले.

आज दिवसभरात जैन महिला परिषद, वीर महिला मंडळ मध्यवर्ती समिती, पदवीर संघना आणि वीर सेवा दन मध्यवर्ती समितीचे अधिवेशन होणार आहे. रविवारी मुख्य सोहळा असून त्याला मुख्यमंत्री उद्‍धव ठाकरे ऑनलाईन संवाद साधतील. कर्नाटकचे मुख्यमंत्री बसवराज बोम्मई, उपमुख्यमंत्री अजित पवार, पालकमंत्री जयंत पाटील, राज्यमंत्री विश्‍वजीत कदम यांच्यासह दोन्ही राज्यातील प्रमुख मंत्री उपस्थित राहणार आहेत.

यावेळी चेअरमन रावसाहेब पाटील, केंद्रीय उपाध्यक्ष भालचंद्र पाटील, उपाध्यक्ष माधव डोर्ले, डॉ. अजित पाटील, सहखजिनदार पा. पा. पाटील, खजिनदार संजय शोटे, अधिवेशनाचे कार्याध्यक्ष सुरेश पाटील, आमदार अभय पाटील, सचिव प्रा. एन. डी. बिरनाळे, खजिनदार सागर वडगावे आदी प्रमुख उपस्थित आहेत.

Web Title: Sangli Jain Sabha Opening Centenary Convention

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top