Sangli Rain Update : घाईघाईत पेरणी करताय? सांगली कृषी विभागाचा शेतकऱ्यांना अत्यंत महत्त्वाचा सल्ला; 'एवढा' पाऊस झाल्याशिवाय पाऊल उचलू नका!

सांगली : जिल्ह्यात मॉन्सूनच्या आगमनानंतरही पावसाने पुन्हा दडी मारल्याने शेतकऱ्यांची चिंता वाढली (Sangli rain update) आहे. ७ जून रोजी झालेल्या मॉन्सूनपूर्व पावसाने चांगली हजेरी लावली होती. त्यानंतर ९ जूनपासून मॉन्सून दाखल झाला आणि एक-दोन दिवस समाधानकारक पाऊस झाला. मात्र, गेल्या तीन दिवसांपासून पावसाने विश्रांती घेतली आहे. पुढील आठवडाभरही पावसाची प्रतीक्षा करावी लागणार असल्याचा हवामान विभागाचा अंदाज आहे.