Sangli Police : सांगली पोलिसांचा संतापजनक प्रकार! संशयित समजून दोघा चुलत भावांना विवस्त्र करून बेदम मारहाण, आमदार जयंत पाटलांनी केली विचारपूस

ईश्वरपूर (सांगली) : अवैध शस्रसाठा विक्रीसाठी काही जण येणार असल्याच्या माहितीवरून सापळा रचलेल्या पोलिसांनी गैरसमजातून (Police Brutality Sangli) नदीकाठी मोटार दुरुस्तीसाठी थांबलेल्या दोघा सख्ख्या चुलत भावांना बेदम मारहाण केल्याचा धक्कादायक प्रकार उघडकीस आला आहे. या मारहाणीत अवधूत ऊर्फ प्रणव धनाजी पाटील (वय २०) गंभीर जखमी झाला आहे.