Sangli Sambhaji Maharaj statue : सांगलीत छत्रपती संभाजीराजेंचा पुतळा काढल्यानंतर पोलिसांचा मोठा बंदोबस्त; बैठकीत होणार निर्णय, दंगल काबू पथक घटनास्थळी

Sambhaji Maharaj statue dispute Sangli : (अतुल पाटील) सांगली शहरातील राम मंदिर चौकात शनिवारी पहाटे छत्रपती संभाजी महाराजांचा पुतळा विना परवानगी उभारण्याचा प्रयत्न झाल्याने काही काळ परिसरात तणावाचे वातावरण निर्माण झाले. सुमारे ६० ते ७० तरुणांनी पहाटे साडेचारच्या सुमारास एकत्र येत चौकात पुतळा उभारला; मात्र पोलिस आणि महानगरपालिकेच्या अधिकाऱ्यांच्या हस्तक्षेपानंतर चर्चा करून सकाळी तो पुतळा काढण्यात आला. घटनास्थळी मोठा पोलिस बंदोबस्त तैनात करण्यात आला आहे.