कूठे गेली माणुसकी : हॉटस्पॉट कऱ्हाडात औषधांसाठी पन्नास संपर्क क्रमांक; एकही लागत नाही

कऱ्हाड ः कोरोनाचा हॉटस्पॉट बनलेल्या कऱ्हाड शहरासह तालुक्‍यात जिल्हाधिकारी शेखर सिंह यांनी कंटेनमेंट झोन जाहीर करताना शहरातील नागरिकांना घरपोच औषधांसाठी परवानगी दिली. पालिकेनेही त्यानुसार योजना आखली. मात्र त्याला औषध दुकानदारांनी काहीच प्रतिसाद न दिल्याने घरपोच औषधाची योजनेचा फज्जा उडाला आहे.
 
पालिकेने शहरातील पेठनिहाय ज्या औषध दुकानदारांची नावे व मोबाईल क्रमांक जाहीर केले आहेत. त्यातील एकही दुकानदार त्यांना संपर्क साधल्यानंतर मोबाईल फाेन
उचलत नाहीत. काहींचे संपर्क क्रमांकच बंद लागत आहेत. त्यामुळे नागरिक कॉल करून दमले आहेत. परिणामी औषधांअभावी रुग्णांचे हाल होऊ लागले आहे. एखाद्या मेडिकल दुकानाची फळी जरी उघडी असली, तरी नागरिक तेथे औषधासाठी गर्दी करत आहेत. अनेक ज्येष्ठ नागरिकांच्या रोजची औषधेही चार दिवसात संपली असल्याने त्यांनाही हालपेष्टा सोसाव्या लागत आहेत.
 
शहरातील 50 हून अधिक औषध विक्रत्यांचे मोबाईल क्रमांक घेऊन पालिकेने त्यांची यादी घरपोच औषधांसाठी जाहीर केली होती. मात्र, त्यातील बहुतांशी दुकानदारांनी कोणताही प्रतिसाद न दिल्याने ती योजना फसली आहे. कृष्णा रुग्णालयासह सह्याद्री, सिद्धिविनायक व श्री हॉस्प्पिटलमधील औषधांची दुकाने 24 तास खुली आहेत. मात्र, तेथे औषधे मिळण्याच्या मर्यादा आहेत. पालिकेने शहरातील नऊ वेगवेगळे भाग केले होते. त्यातील एकाही भागात सध्या घरपोच औषधे सुरू नाहीत. 

घाऊक व्यापाऱ्यांना द्या परवानगी  

ज्या दुकानदारांची नावे पालिकेने जाहीर केली. त्यांना औषधे पुरवणाऱ्या घाऊक दुकानदारांनाही विक्रीसाठी परवानगी दिली पाहिजे. अन्यथा औषध दुकानदारांकडे औषधे विक्रीस नसल्यास ते तरी काय करणार? हाही प्रश्‍न आहे. शहरात काही दोन- तीन दुकानदारांनी घरपोच औषधे पुरविण्याचा प्रयत्नही केला. मात्र, औषधे पोच करणाऱ्यांकडे पास नसल्याने पोलिसांनी त्यांना अडविल्यावर योजनेलाच ब्रेक लागल्याची चर्चा आहे.

पालिकेने दिलेल्या यादीप्रमाणे पाच ते सात दुकानांना फोन केला. मात्र प्रतिसाद मिळाला नाही. वास्तविक ज्येष्ठ नागरीकांना औषध घरपोच मिळावी. यादृष्टीने घरपोच औषध योजना चांगली आहे. मात्र औषधांची उपलब्धतता दुकानात दिसत नाही. त्यासाची होलसेल विक्रेत्यांनाही परवानगी देवून औषधे उपलब्ध करून द्यावी. तरच ती योजना ताकदीने राबवली जावू शकते.

इरफान सय्यद, ग्राहक कऱ्हाड
 

जीवनाश्यक वस्तूमध्ये औषधांचा समावेश होतो आहे. त्यासाठी औषध घरपोच देण्याचा प्रयत्न सुरू आहे. काही ठिकाणी घरपोच दिली जात आहेत. काही ठिकाणी अद्याप ती योजना सुरू नाही. त्यातील त्रुटी शोधून ती योजना पूर्ण ताकदीने राबविण्याचा प्रयत्न सुरू आहे.

यशवंत डांगे, मुख्याधिकारी कऱ्हाड पालिका

उभ्या आयुष्यात बहिणीला असं रडताना पाहिलं नव्हतं...


सातारा जिल्ह्यात कोरोनाचे 41 रुग्ण; कऱ्हाडत पाच तर फलटणला एक पाॅझिटिव्ह