बेळगाव : मागील वेळी माजी मंत्री रमेश जारकीहोळी (Ramesh Jarkiholi)यांनी आमच्या अधिकृत उमेदवाराचा पराभव केला होता. यावेळी भाऊ लखन यांना निवडणुकीच्या रिंगणात उतरवून भाजपच्या अधिकृत उमेदवाराचा घात केल्यास आश्चर्य वाटून घेऊ नये,’’अशी कोपरखळ्ळी माजी मुख्यमंत्री व विधानसभा विरोधी पक्षनेते सिद्धरामय्या (Siddharamayya) लगाविला.
विधान परिषद निवडणुकीच्या पार्श्वभूमीवर रामदूर्ग तालुक्यातील कल्लूर गावात सौदत्ती व रामदुर्ग तालुक्यामधील ग्रामपंचायत सदस्यांची सभा आयोजिली होती. यावेळी ते बोलत होते. सिद्धरामय्यांनी सर्वांची फसवणूक केली आहे, धनगर समाजातील नेते माजी आमदार विवेक पाटील यांच्यावर अन्याय केल्याचा आरोप केला आहे. पण, विवेक पाटील कॉंग्रेसमध्ये कधी होते. केवळ ते रमेश जारकीहोळी यांच्यासोबत राहिले. यामुळे वसंतराव पाटील यांचा मुलगा म्हणून विवेक पाटील यांना उमेदवार देता येणार नाही.
कॉंग्रेसतर्फे तिघा धनगर समाजातील नेत्यांना उमेदवारी देण्यात आली आहे. भाजपने किती जणांना उमेदवारी दिली आहे, हे उघड करावे. रमेश जारकीहोळी काय खेळ खेळत आहेत, हे सगळ्यांना माहिती आहे. तत्व व सिध्दांतावर आधारीत राजकारण करावे. स्वार्थासाठी राजकारण करू नये. बीपीएल कार्डधारकांना सात किलो तांदूळ मिळायचे. ते आता ५ किलो करण्यात आलेले आहे. माजी मुख्यमंत्री येडियुराप्पा, मुख्यमंत्री बसवराज बोम्मई हे काय घरातून तांदूळ जनतेला देत आहेत का? असा सवालही त्यांनी केला आहे. माझ्या पाच वर्षाच्या कार्यकाळात १५ लाख घरे बांधली आहेत. रामदुर्ग आमदारांनी बारा हजार घरे बांधली आहेत.पण, आता हक्काचे छत मिळविणे खूप कठीण झाल्याचा आरोप त्यांनी केला.
केपीसीसी कार्याध्यक्ष डी. के. शिवकुमार यांनी आमदार लक्ष्मी हेब्बाळकर यांचा भाऊ आहे, म्हणून विधान परिषदेची उमेदवारी चन्नराज हट्टीहोळी यांना दिली नाही. तर कार्यकर्त्यांची तशी मागणी होती. हट्टीहोळी अभियंता पदवीधर असून, सभागृहात तुमचे प्रश्न मांडतील. निवडणुकीत पक्षाचा विजय व्हावा, त्यासाठी पक्षाच्या उमेदवाराला व्यवस्थित मतदार केले जावे. गेल्या निवडणुकीत आठशे मते रद्दबातल ठरविण्यात आली आहेत. त्यासाठी मतदानापूर्वी प्रश्न देण्यात यावे, अशी मागणी केली.यावेळी आमदार एन. ए. हॅरिस, आमदार लक्ष्मी हेब्बाळकर, माजी आमदार अशोक पट्टण, काँग्रेसचे जिल्हाध्यक्षा विनय नवलागडी, उमेदवार चन्नराज हट्टीहोळी, आर. बी. पाटील आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
