सांगली : मोकाट बैलाने धडक दिल्याने जखमी झालेले येथील ज्येष्ठ सामाजिक कार्यकर्ते बन्सीलाल तुकाराम कदम (वय ७५) यांचा उपचार सुरू असताना आज मृत्यू झाला. गेल्या १६ जुलैपासून त्यांची मृत्यूशी झुंज सुरू होती. मोकाट जनावरांच्या उपद्रवाबाबत पालिकेच्या दुर्लक्षाचा जबर फटका कदम कुटुंबीयांना भोगावा लागला. गुरुवारी सकाळी सात वाजता अमरधाम स्मशानभूमीत त्यांच्या पार्थिवावर अंत्यसंस्कार करण्यात आले. त्यांच्या मागे पत्नी, मुलगा, सून, मुली असा परिवार आहे. हिंदू एकता आंदोलनचे संस्थापक दिवंगत नारायणराव कदम यांचे ते कनिष्ठ बंधू होत.