सोलापूर: ज्ञान मिळवणे ही एक साधना आहे, जी प्रत्येक व्यक्तीच्या आयुष्यात सुरू असते. केवळ तिचे स्वरूप वेगवेगळे असते. ज्ञानार्जनासाठी वयोमर्यादेची नाही तर वैचारिक समृद्धीची गरज असते. याचे आदर्शवत उदाहरण म्हणजे सोलापूर विद्यापीठातून वयाच्या ८८ व्या वर्षी पीएच. डी. पदवी प्राप्त केलेले महेश चोप्रा. वैचारिक समृद्धीसाठी स्वतःपेक्षा ३४ ते ४० वर्षांनी लहान असलेल्या मार्गदर्शक शिक्षकांच्या अनुभवाच्या जोरावर त्यांनी ‘एक्सप्लोरेशन ऑफ स्पिरिच्युअल इलिमेंटस् इन श्री अरबिंदोज् सॉनेटस्’ विषयावर प्रबंध सादर केला आहे.