esakal | बार्शीतील तरुणींचा अनोखा उपक्रम; जोपासलेली वृक्ष दिली सर्वसामान्यांना
sakal

बोलून बातमी शोधा

बार्शीत तरुणींचा अनोखा उपक्रम; जोपासलेली वृक्ष दिली सर्वसामान्यांना

बार्शीत तरुणींचा अनोखा उपक्रम; जोपासलेली वृक्ष दिली सर्वसामान्यांना

sakal_logo
By
प्रशांत काळे

बार्शी : कोरोना महामारीच्या काळात ऑक्सिजनअभावी अनेक जणांचे बळी गेले ही घटना खूपच मनाला लागून राहिली वृक्षसंवर्धन केले तर ऑक्सिजन मोफत मिळतो अन् आरोग्याची प्रकृती उत्तम राहते या भावनेतून बार्शीच्या तरुणींनी जोपासलेली सुमारे अडीचशे वृक्ष गणेशमूर्ती खरेदीसाठी आलेल्या व्यक्तींना देऊन एक आगळावेगळा उपक्रम राबवला असून त्यांचे शहरात कौतुक होत आहे.

हेही वाचा: प्रश्‍नपत्रिकेतील चुकांमुळे 'मराठी'ची पेट रद्द! 15 सप्टेंबरला फेर परीक्षा

शालेय तरुणी अमू जठार हिने लॉकडाऊनच्या कालावधीत आम्हाला जोपासा,आम्ही तुम्हाला जोपासू या संकल्पनेतून सुमारे अडीचशे वृक्षांचे संवर्धन केले होते जोपासलेली वृक्ष नागरिकांना मोफत वाटप करण्याचा संकल्प केला होता. 21 मे रोजी सोबतच्या सहकारी मैत्रीण पुजा वाघमारे, क्रांती शिंदे, नवनाथ सुर्वे यांच्या मदतीने मागील दोन महिने आंबा, सिताफळ, तुळस, पिंपळ, जासवंद, पेरु, कडिपत्ता, चिक्कू यांसह विविध वृक्षांचे उत्तमरित्या लागवड करुन संगोपन केले होते.

गणेश चतुर्थी उत्सवाचे औचित्य साधून 50 वृक्ष संवर्धन समिती, जाणीव फाऊंडेशन दोन संस्थांना तर उर्वरीत 200 वृक्ष भगवंत मैदान येथे श्री गणेशमुर्ती विक्री स्टॉल येथे सामाजिक संघटना, मान्यवर व्यक्तींसह श्री गणेशमुर्ती घेऊन जाणाऱ्या नागरिकांना मोफत वाटप करण्यात आली.

यावेळी प्रसन्नदाता गणेश मंडळाचे बंडू माने, हर्षल रसाळ, पत्रकार गणेश घोलप, पाणीपुरवठा सभापती भैय्या बारंगुळे, चित्रकार महेश मस्के, मेडिकल असोसिएशनचे अध्यक्ष सुधीर राऊत, उद्योजक नागेश सुरवसे, सतिश राऊत, प्रदिप हागरे, उमेश देशमाने, धनाजी मोरे, हेमंत शाहीर आदी उपस्थित होते.

या राबवलेल्या अनोख्या उपक्रमाचे अनेक नागरिकांनी कौतुक केले असून वृक्षांचे उत्तमरित्या संर्वधन करणार असल्याचे अभिवचन दिले. निसर्गातील पर्यावरणाचा समतोल राखला जावा, वृक्षांपासून पासून मिळणारा नैसर्गीक ऑक्सिजन सर्वांना मोफत मिळावा म्हणून हा उयक्रम राबविल्याचे जठार हिने सांगितले.

loading image
go to top