चिखलठाण : चिखलठाण परिसरातील केळी पिकावर करपा रोगाचा प्रादुर्भाव वाढला आहे. याच्या नियंत्रणासाठी शेतकरी औषध फवारणीसाठी ड्रोनचा वापर करत आहेत. करमाळा तालुक्यातील चिखलठाण उजनी धरणकाठ परिसरामध्ये केळी पिकाखालील क्षेत्रामध्ये वाढ होऊ लागले आहे. तीन-चार वर्षांमध्ये केळीला मिळणाऱ्या चांगल्या दरामुळे या परिसरातील शेतकऱ्यांचा उसाऐवजी केळी पिकाकडेच कल दिसत आहे.