Solapur BJP: दोन देशमुखांच्या मनमानी कारभारामुळेच भाजपश्रेष्ठींचा इनकमिंगला हिरवा कंदिल!

प्रमिला चोरगी Solapur BJP Politic: स्थानिक स्वराज्य संस्थांच्या निवडणुकीच्या तोंडावर होणार असलेल्या भाजपमधील ‘इनकमिंग’मुळे जुन्या कार्यकर्त्यांवर पक्षाच्याच कार्यालयासमोर धरणे धरण्याची वेळ आली. मुख्यमंत्र्यांसह पक्षश्रेष्ठींच्या निर्णयाने काँग्रेसमुक्तीऐवजी भाजपच काँग्रेसयुक्त बनत आहे..अन्य पक्षातील नेत्यांना पक्षाची कवाडे उघडण्याचा निर्णय घेण्यास भाजपचे स्थानिक नेतेही तितकेच जबाबदार आहेत. विशेषतः देशमुख आमदराद्वयींतील गटबाजी, मनमानी कारभार व पक्षश्रेष्ठींच्या सूचनांकडे केलेले दुर्लक्ष अंगलट येत असल्याचे दिसत आहे. आता सक्षम पर्यायी नेतृत्त्व मिळताच पक्षाने त्यांचे पंख छाटण्यास सुरुवात केली आहे..२०१४ मध्ये सत्ता मिळाल्यानंतर पक्षाने आमदार विजयकुमार देशमुख यांना आरोग्य, परिवहन, कामगार कल्याण मंत्रीपदासह जिल्ह्याचे ‘पालकत्व’ सोपवले होते. तर आमदार सुभाष देशमुख यांना सहकार, मदत व पुनर्वसन मंत्रिपद दिले होते. शहरासह जिल्ह्याच्या ग्रामीण भागात विकासासह पक्षाची पाळेमुळे रुजावी यासाठी मुख्यमंत्री देवेंद्र फडणवीस यांनी दोघांनाही ताकद दिली. मात्र, दोघांनी या ताकदीचा सर्वाधिक वापर केवळ शहरातील गटबाजीतच खर्ची घातला. पक्ष कार्यकर्त्यांसह जनतेतूनही ओरड होत असताना त्यांनी पक्ष व महापालिकेची देशमुखी कोणाकडे यासाठी डाव-प्रतिडाव टाकत राहिले..मुख्यमंत्री फडणवीस-केंद्रीय मंत्री नितीन गडकरी यांच्या बळावर झुंजत राहिले. कार्यकर्त्यांच्या तक्रारींनंतर मुख्यमंत्र्यांसह पक्षश्रेष्ठींनी दिलेल्या सूचनाही गांभीर्याने घेतल्या नाहीत. तेव्हा त्यांच्याशिवाय पक्षालाही पर्याय नव्हता. विधानसभा निवडणुकीनंतर पक्षाला तरुण नेतृत्वाचा पर्याय मिळाला. पक्षाने त्यांच्या खांद्यावर पक्ष विस्ताराची जबाबदारी देत, आगामी स्थानिक स्वराज्य संस्थांच्या निवडणुकीची तयारी चालवली. त्यासाठी ‘घाऊक इनकमिंग’लाही हिरवा कंदील दाखविला. त्यानंतर जुने कार्यकर्ते नाराज होणे साहजिक आहे. त्यातूनच कार्यकर्त्यांनी आंदोलन केले. मात्र, आमदार सुभाष देशमुख यांची त्याला 'मूकसंमती' असल्याचे नाकारता येत नाही.गटबाजीचे राजकारणमहापालिकेतील भाजपचे ४९ नगरसेवक होते. त्यापैकी ३३ नगरसेवक विजय देशमुख तर १६ नगरसेवक सुभाष देशमुख गटाचे होते. महापौरांच्या विरोधात उपमहापौर, सभागृह नेत्याच्या विरोधात स्थायी समिती सभापती असे चित्र पाच वर्षे होते. तर जिल्हा परिषदेतही पक्षहिताचे असे काही घडले नाही. बाजार समिती निवडणुकीतही देशमुखद्वयी आमने-सामने उभे होते..कशासाठी एकत्र आले ?अन्य पक्षातील नेत्यांच्या प्रवेशामुळे कार्यकर्त्यांवर अन्याय होणार असल्याचा आरोप केला जात आहे. नेत्यांनी कोंडी करताच देशमुखद्वयी एकत्र आले आहेत. एकमेकांच्या विरोधात राहिलेल्या दोघांना आताच्या राजकीय परिस्थितीने एकत्र येण्यास बाध्य केले आहे. त्यांची ही एकी शहराचा विकास, पक्षाचा विस्तार यासाठी की वर्चस्व, राजकीय वारसदारांना पुढे आणण्यासाठी, अशीही पक्षातील कार्यकर्त्यांत चर्चा आहे.पक्षश्रेष्ठींनी घेतली दक्षतागत लोकसभा निवडणुकीत युवा कार्यकर्त्यांना संधी देण्याचे भाजपचे धोरण होते. त्यामुळे विधानसभा निवडणुकीत देशमुखद्वयींना उमेदवारी मिळणार नसल्याची चर्चा रंगली होती. मात्र, लोकसभा निवडणुकीत लागलेला धक्कादायक निकाल, त्यामुळे राज्यात महाविकास आघाडीची निर्माण झालेली हवा या पार्श्वभूमीवर त्यांना उमेदवारी नाकारणे भाजपसाठी धोकादायक ठरणार होते. त्यामुळे पक्षाने त्यांना उमेदवारी दिली. ते निवडूनही आले. मात्र, त्यानंतर निर्णय प्रक्रियेत त्यांचे वर्चस्व कमी केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Solapur BJP: दोन देशमुखांच्या मनमानी कारभारामुळेच भाजपश्रेष्ठींचा इनकमिंगला हिरवा कंदिल!

Related Stories