Mangalwedha Politics: मंगळवेढा तालुक्यातील सधन दामाजीनगर गटात जातीय समीकरणाचा प्रभाव; चौरंगी पक्षीय लढतीत कुणाला संधी मिळणार?

मंगळवेढा : तालुक्याच्या पूर्व भागातील सधन पट्टा असलेल्या व जातीय समीकरणाचा प्रभाव असलेल्या दामाजीनगर जिल्हा परिषद गटात सध्या 15 आखाड्यात असले तरी चौरंगी पक्षीय लढतीत कुणाला संधी मिळणार याची चर्चा सुरू झाली..Pune News: सावित्रीबाई फुले पुणे विद्यापीठ चौक उड्डाण पूल होणार खुला; सेनापती बापट रस्त्यावीरल वाहतूक कोंडी सुटणार! .यापूर्वी हा मतदार संघ सर्वसाधारण होता या गटातून बोराळे येथील नितीन नकाते यांनी काॅग्रेसमधून जिल्हा परिषदेवर प्रतिनिधित्व केले.सध्या हा प्रभाग इतर मागासवर्गीयासाठी आरक्षित झाल्यामुळे या प्रभागातून नवीन चेहऱ्याची चर्चा सुरू झाली सुरुवातीच्या टप्प्यात हा गटातील बहुतांश ऊस उत्पादक पट्टा हा दामाजी कारखान्याच्या कार्यक्षेत्रात येत आहे ऊस पट्ट्यातून सर्व घटकांना चालणारा चेहरा म्हणून शिवानंद पाटील यांच्या नावाची चर्चा होती. हा गट आ. अवताडे -परिचारक यांच्या युतीतून परिचारक गटाला सोडल्याची चर्चा झाली त्यावेळी शिवानंद पाटीलाच्या नावावर अधिक शिक्कामोर्तब होत असताना ऐनवेळी त्यांनी आखाड्यातून बाजूला जाण्याचा निर्णय घेतल्यामुळे अवताडे समर्थक रमेश भांजे यांना जिल्हा परिषदेची संधी देण्यात आली. .भांजे यांनी 2014 ला प्रशांत परिचारक तर 2017 ला स्व भारत भालके यांच्यासोबत काम केले. मागील टर्ममध्ये बोराळे गणातून काॅग्रेसकडून पंचायत समिती सदस्य होते. तब्बल नऊ वर्षानंतर निवडणूक होत असल्याने त्यांना जि.प साठी लोकांसमोर जात आहेत. आ समाधान आवताडे यांचे पाठबळ ही त्यांच्यासाठी जमेची बाजू आहे शिवाय बोराळे गणातील लिंगायत पट्टा देखील त्यांच्यासाठी जमिनीची बाजू आहे तर त्यांच्या विरोधातील महावीर ठेंगील हे तिर्थक्षेत्र आघाडीचे उमेदवार आहेत यापूर्वी त्यांनी मुढवीचे सरपंच म्हणून काम केले.शांत व मितभाषी स्वभाव ही त्यांची ओळख आहे. यापूर्वी जिल्हा परिषद सदस्य स्व. शिवाजी ठेंगील यांचा वारसा तर दामाजीचे उपाध्यक्ष तानाजी खरात यांचे पाठबळ देखील असल्यामुळे एक चांगला चेहरा म्हणून या परिसरात परिचयाचा आहे. .या गटांमध्ये त्यांच्या समाजाचे सर्वाधिक मतदार देखील आहेत तर राष्ट्रवादी कडून या ठिकाणी खरेदी विक्री संघाचे अध्यक्ष सिद्धेश्वर अवताडे व सुमैया तांबोळी यांना आखाड्यात उतरले. सिद्धेश्वर अवताडे यांच्या अर्जामुळे या गटात मोठी चुरस निर्माण झाली अवताडे यांचे नातेवाईक व त्यांना मानणारा वर्ग देखील या गटात आहे तर सिद्धेश्वर दसाडे काँग्रेसकडून आहेत. लिंगायत मराठा धनगर या तीन जातीचे मतदार असलेल्या गटामध्ये तीन जातीचे उमेदवारासह अन्य अमोल गडदे,अमसिध्द केदार,गणेश बेदरे,,सूर्यकांत ठेंगील,अमोल टेळे, जण आखाड्यात आहेत परंतु मतदाराची पसंती कुणाला राहते हे मात्र गुलदस्त्यात आहे सध्या जिल्हा परिषदेसाठी दाखल अर्जातील पाच अर्ज छाननीच बाद झाले..पंचायत समितीसाठी दामाजी नगर गण हा इतर मागासवर्गीय महिलांसाठी आरक्षित असून यापूर्वी काॅग्रेसच्या कल्पना गडदे यांनी मागील पाच वर्षात या गणाचे प्रतिनिधित्व केले सध्या ते आ. समाधान आवताडे यांच्या सोबत आहेत या गाण्यात सध्या ज्ञानेश्वरी महिला पतसंस्थेचे अध्यक्ष सविता शिंदे आखाड्यात आहे तर त्यांच्या विरोधात सविता कोकरे भाजपकडून आहेत.तर अपक्ष स्वप्नाली गडदे, जिजाबाई घोडके या आहेत. तर बोराळे गणांमध्ये इतके उमेदवार असून राष्ट्रवादीकडून सुमैय्या तांबोळी यांना तर भाजपकडून जयश्री कवचाळे यांना तर आघाडी कडून अंबिका कवचाळे या तर शोभा म्हमाणे काॅग्रेसच्या उमेदवार आहेत याशिवाय राणी गावकरे (शिवसेना उबाठा),स्मिता म्हमाणे,सारिका धसाडे, रुपाली कोरे,तनुजा गावकरे,अलका पवार, इत्यादी आखाड्यात आहेत मात्र अर्ज माघारी नंतर या गटाचे चित्र अधिक स्पष्ट होणार आहे..दामाजी नगर पंचायत समिती गणातील गावे कंसात मतदारढवळस (1569), धर्मगाव (1016), मुढवी (1501),उचेठाण (1251), बठाण (2192),ब्रम्हपुरी (2930), दामाजीनगर (3411), माचणूर (893)तामदर्डी (979),------बोराळे पंचायत समिती गणातील गावे कंसात मतदारमुंडेवाडी (1318), तांडोर (1050), सिद्धापूर (3348), रहाटेवाडी (825),बोराळे (4387),अरळी (2417),नंदुर (3656),डोणज (3401).Solapur Airport: सोलापूरहून इंदौरला बुधवारपासून विमानसेवा; वनस्टॉप विमानसेवा, मुंबईला जाणारे विमान हेच पुढे इंदौरला जाणार!.या गटातील प्रमुख प्रश्नया गटातील सर्वाधिक गावे ऊस पट्ट्यातील असल्यामुळे दरवर्षी रस्त्याचा प्रश्न ऊस वाहतुकीसाठी उद्भवतो. त्यामध्ये मंगळवेढा -कारखाना- बठाण, मंगळवेढा-डोणज- नंदुर,बोराळे -सिद्धापूर, बहुतांश गावात आरोग्य खात्याची व शिक्षकांची पदे देखील तितक्याच प्रमाणात रिक्त आहेत. उजनीचे पाणी शेवटच्या टोकावर नंदुर भागापर्यंत पोहोचत नाही भीमा नदीवर सिद्धापूर वडापूर बंधाऱ्याची दुरावस्था, शेतीसाठी दिवसा वीज, दरवर्षी पुराच्या तडाक्याला नदीकाठच्या शेतकऱ्यांना सामोरे जावे लागते त्यासाठी उपाययोजना आवश्यक आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories