साेलापूर जिल्ह्यातील सरपंच आरक्षणासाठी मागितले मार्गदर्शन; ओबीसींना २७ टक्के, १०२५ ग्रामपंचायतींसाठी जुनीच सोडत?

-प्रमोद बोडके

सोलापूर : राज्यातील काही जिल्ह्यांनी २७ टक्के आरक्षणाची अंमलबजावणी केली आहे तर काही जिल्ह्यांनी ५२ टक्के आरक्षणाची मर्यादा पाळत ओबीसी आरक्षण २७ टक्क्यांच्या कमी दिल्याची शक्यता आहे. सर्वोच्च न्यायालयाच्या ६ मेच्या आदेशानूसार ओबीसंच्या २७ टक्के आरक्षणाची अंमलबजावणी करण्यासाठी आरक्षण सोडत प्रक्रिया पुन्हा राबविण्याचे आदेश ग्रामविकासचे अवर सचिव बा. म. आसोले यांनी दिले आहेत. सोलापूर जिल्ह्यात २७ टक्क्यांची मर्यादा पाळली आहे. तरीही आम्ही काय करावे? असे मार्गदर्शन जिल्हाधिकारी कार्यालयाने मागविले आहे.