Solapur Crime News: जुन्या वादातून १८ वर्षीय सुजित राठोडचा खून; आरोपीच्या अटकेसाठी नातेवाईकांचा मृतदेहासह पोलीस ठाण्यात ठिय्या

मंगळवेढा : दिव्यांग असल्याच्या कारणावरून झालेल्या जुन्या भांडणाचा राग मनात धरून तालुक्यातील बालाजी नगर येथे झालेल्या मारहाणीत 18 वर्षीय सुजित राठोड या तरुणांचा उपचारादरम्यान मृत्यू झाला.या घटनेनंतर यातील मुख्य आरोपीला तात्काळ अटक करा या मागणीसाठी नातेवाईकांनी थेट मृतदेह पोलीस ठाण्यात आणला.माझ्या लेकराची काही चूक नाही. माझ्या लेकराला न्याय द्या असा टाहो मुलाच्या आईने पोलीस ठाण्यासमोर फोडला. यावेळी उपस्थित ग्रामस्थ भावनावश झाले.