RSS 100 Years
Sakal
सोलापूर : राष्ट्रीय स्वयंसेवक संघाच्या (आरएसएस) पथसंचलन व उत्सवातून शतसाधनेची संघगर्जना करण्यात आली. संघाच्या शताब्दी वर्षानिमित्ताने गुरुवारी (ता.२) सोलापूर शहरात सात नगरांच्या स्वयंसेवकांनी गणवेशात केलेले पथसंचलन शहरवासीयांसाठी ऐतिहासिक क्षण ठरला. सोलापूर शहरातून जवळपास १४ नगरांतील २ हजार २७० स्वयंसेवकांनी पथसंचलन व शस्त्रपूजन उत्सवात सहभागी होत देशभक्तीचे, शिस्तीचे दर्शन घडवले.