मोहोळ तालूक्‍यात 94 गावात शेतकऱ्यांना पोचवली खते 

मोहोळ(सोलापूर)ः  मोहोळ तालुक्‍यात शेतकऱ्यांना दोन हजार 571 मे. टन रासायनिक खते थेट बांधावर पोचवण्यात आली आहेत. कोरोना संसर्गामुळे खताच्या दुकानात होणारी गर्दी टाळण्यासाठी ही सेवा कृषी खात्याने उपलब्ध करून दिली आहे. 

हेही वाचाः नगरपालिकेची आठ वेळा हद्दवाढ,61 वर्षांनी रेल्वे हद्दीचा समावेश 

रासायनिक खतांचा तुटवडा होऊ नये यासाठी मोहोळ तालुका कृषी विभागाने दोन हजार 571 मे. टन रासायनिक खते शेतकऱ्यांना बांधावर पोच केल्याने शेतकऱ्यांची मोठी सोय झाल्याची माहिती तालुका कृषी अधिकारी सूर्यकांत मोरे यांनी दिली. 

हेही वाचाः कोरोनाच्या भीतीने हा उद्योग होईन सुरळीत 

सध्या पावसाला सुरवात झाली आहे. शेतकरी पेरणीच्या मार्गाला लागला आहे. शेतकऱ्यांना पाहिजे असलेल्या विविध रासायनिक खतांचा तुटवडा होतो व तो केला जातो. शेतकऱ्यांची अडचण होऊ नये त्यांना जादा पैसे मोजावे लागू नयेत म्हणून शासनाच्या कृषी विभागाने शेतकऱ्यांच्या बांधावर खते पोच ही अभिनव योजना सुरू केली. 
ज्या गावातील शेतकऱ्यांना खते पाहिजेत त्यांची त्या त्या गावातील कृषी सहायकाकडे नावे नोंदवली जातात. त्याप्रमाणे कृषी सहायकाने खते उपलब्ध असणाऱ्या दुकानदाराकडून ती खरेदी करून शेतकऱ्यांना पोच करायची अशी योजना आहे. शेतकरी गटांना प्रथम प्राधान्य देण्यात आले आहे. 
या योजनेमुळे शेतकऱ्यांना वेळेत व योग्य दरात खते मिळत आहेत. मोहोळ तालुक्‍यात एकूण 94 गावे आहेत. त्या गावातील शेतकऱ्यांना एक हजार 786 मे. टन विविध रासायनिक खते व 685 मेट्रिक टन युरिया बांधावर पोच करण्यात आला आहे. अचानक पाऊस जादा पडला तर शेतकरी रासायनिक खताच्या दुकानात कोरोना संसर्गाच्या काळात गर्दी होऊ शकते. या योजनेची प्रभावीपणे अंमलबजावणी करणार असल्याचे तालुका कृषी अधिकारी मोरे यांनी सांगितले.