चंद्रभागा नदीत एका महिलेसह मुलगा गेला वाहून !

चंद्रभागा नदीत एका महिलेसह मुलगा गेला वाहून
Pandharpur
PandharpurCanva
Updated on: 
Summary

पायल लोंढे ही महिला आज सकाळी येथील नदीपात्रात कपडे धुण्यासाठी गेली होती. सोबत जय जाधव हा मुलगाही होता. कपडे धुतल्यानंतर ते दोघेही पोहण्यासाठी नदीत उतरले.

पंढरपूर (सोलापूर) : चंद्रभागा नदीवर (Chandrabhaga River) कपडे धुण्यास गेलेल्या एका महिलेसह लहान मुलगा पाण्याच्या प्रवाहाबरोबर वाहून गेल्याची दुर्दैवी घटना समोर आली आहे. ही घटना आज (शुक्रवारी) सकाळी पंढरपूर शहराच्या पैलतीरावर असलेल्या चिंचोली भोसे गावात घडली आहे. नदीत वाहून गेलेल्या दोघांचा पोलिसांकडून शोध सुरू आहे. पायल सुग्रीव लोंढे (वय 18) व जय दत्ता जाधव (वय 12) अशी पाण्यात बुडालेल्या दोघांची नावे आहेत. (In Pandharpur, a woman and a boy drowned in the Chandrabhaga river)

Pandharpur
विद्यापीठात उभारणार अहिल्यादेवींचा 15 फुटी अश्‍वारूढ पुतळा !

पायल लोंढे ही महिला आज सकाळी येथील नदीपात्रात कपडे धुण्यासाठी गेली होती. सोबत जय जाधव हा मुलगाही होता. कपडे धुतल्यानंतर ते दोघेही पोहण्यासाठी नदीत उतरले. खोल पाण्याचा अंदाज न आल्याने ते पाण्यात बुडाले. ही घटना आजूबाजूच्या काही लोकांनी पाहिली. मात्र, पाण्याचा प्रवाह जोरात असल्याने त्यांना वाचवता आले नाही. या घटनेनंतर गावातील लोकांनी नदीपात्रात दोघांचाही शोध घेतला असता, ते सापडले नाहीत.

Pandharpur
अकरावी प्रवेशासाठी द्यावी लागणार सीईटी परीक्षा !

या घटनेनंतर पंढपूर तालुका पोलिस ठाण्याचे पोलिस निरीक्षक किरण अवचर, गटविकास अधिकारी रविकिरण घोडके यांनी घटनास्थळाला भेट देऊन पाहणी केली. या वेळी नदीकाठच्या गोपाळपूर, भटुंबरे, शेगाव दुमाला, मुंडेवाडी येथील ग्रामसेवक व पोलिस पाटलांना याबाबत लक्ष ठेवण्याच्या सूचना दिल्या आहेत.

उजनी धरणातून सोलापूर शहरासाठी भीमा नदीतून पाणी सोडले आहे. पंढरपूर शहर व लगतच्या गावांमध्ये चंद्रभागा नदीच्या पाणी पातळीत मोठी वाढ झाली आहे. नदीकाठच्या नागरिकांनी नदीच्या पाण्यात जाऊ नये, असे आवाहन पोलिस निरीक्षक किरण अवचर यांनी केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Solapur District Central Cooperative Bank Election
Solapur Sugarcane Farmers Demand Rs 3500 First Installment Raju Shetti Warns of Highway Blockade and Rail Roko Protest
Shiva Sanghatana President Bhinge Murdered in Solapur Firing Incident Attackers Open Fire Near His Residence at 10 PM
Shiva Sanghatana President Bhinge Murdered in Solapur Firing Incident Attackers Open Fire Near His Residence at 10 PM