सोलापूर : संजवाड (ता. दक्षिण सोलापूर) येथे एका शेतकऱ्याचा त्याच्या मुलानेच गळा दाबून खून केल्याचे पोलिस तपासात निष्पन्न झाले आहे. संशयित मुलाला मंद्रुप पोलिसांनी अटक केली असून त्यास पोलीस कोठडी मिळाली आहे. ही घटना २० नोव्हेंबर रोजी घडली होती..Police raid : कोर्टगल्लीत कॅफेवर पोलिसांचा छापा .चंद्रकांत विठ्ठल व्हनमाने (वय ४५) असे खून झालेल्या शेतकऱ्याचे नाव आहे. सागर चंद्रकांत व्हनमाने (वय २७) संशयित मुलाचे नाव आहे. विधानसभा निवडणुकीसाठी मतदान सुरू असताना २० नोव्हेंबर रोजी दुपारी साडेबारा वाजता बोळकवठे येथील गेनप्पा महादेव पुजारी (रा. कुंभारी) यांच्या शेतात चंद्रकांत व्हनमाने हे बेशुद्ध पडले होते. .मंद्रुपच्या ग्रामीण रुग्णालयात तपासणी केली असता त्यांचा मृत्यू झाल्याचे डॉक्टरांनी सांगितले. मृताच्या गळ्यावरील तीन ठिकाणचे कातडे निघाले होते. तसेच उजव्या पायाजवळ खरचटले होते. शवविच्छेदन केल्यानंतर चंद्रकांत व्हनमाने यांचा गळा दाबल्यानेच मृत्यू झाल्याचा अहवाल आला. मात्र त्याचा खून कोणी केला हे स्पष्ट होत नव्हते. .सहायक पोलिस निरीक्षक मनोज पवार व त्यांच्या टीमने व स्थानिक गुन्हे शाखेने तपास केला. अखेर तपासामध्ये मुलगा सागर व्हनमाने यानेच गळा दाबून खून केल्याचे उघड झाले..Ahilyanagar News : अवकाळीमुळे २० हेक्टरवर नुकसान. मुलगा सागर यास पोलिसांनी ताब्यात घेऊन चौकशी केल्यानंतर त्याने खून केल्याची कबूली दिली. त्याने वडिलांचा खून कोणत्या कारणासाठी केला? त्याला कोणी मदत केली आहे का? याचा तपास सहायक पोलिस निरीक्षक मनोज पवार करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
