प्रेरणामंत्र अन् शिवपूजनानेच सात वर्षांपासून होते दिवसाची सुरुवात; करकंबच्या राजू अनवतेची अनोखी शिवसाधना, वर्षभर मोफत शिवकालीन शस्त्रास्त्रांचे धडे!

-सूर्यकांत बनकर

करकंब: ध्येयमंत्र, शिवमंत्र आणि शिवाजी महाराजांच्या पूजनाने दिवस सुरू होतो. सायंकाळ मर्दानी खेळांचा सराव. करकंब येथील राजू अनवते हा ध्येयवेडा तरुण गेल्या सात वर्षांपासून इतिहासप्रेरित साधना करत आहे. घरची हलाखीची परिस्थिती असूनही पुढील पिढीला शिवचरित्र समजावे, यासाठी त्यांनी ‘युगंधर गुरुकुल’च्या माध्यमातून दररोज सुमारे ५० ते ६० जणांना मोफत प्रशिक्षण सुरू ठेवले आहे.