सोलापूर: मुख्यमंत्री माझी लाडकी बहीण योजनेच्या निकषांनुसार चारचाकी कार असलेल्या लाडक्या बहिणींसह एकापेक्षा अधिक वैयक्तिक योजनांचा लाभ घेणाऱ्या महिलांचा शोध घेण्यात आला आहे. आता पुढच्या टप्प्यात वार्षिक अडीच लाख रुपयांपेक्षा जास्त उत्पन्न असूनही योजनेचा लाभ घेणाऱ्या लाडक्या बहिणींची पडताळणी केली जाणार आहे. त्यानुसार अपात्र लाडक्या बहिणींचा लाभ बंद करण्याची कार्यवाही सुरू असल्याचे वरिष्ठ सूत्रांनी नाव न सांगण्याच्या अटीवर ‘सकाळ’शी बोलताना सांगितले.