Lemon prices have risen sharply in the last 15 days as supply decreases, leading to a significant impact on consumers and markets alike.Sakal
सोलापूर
Lemon Rate : लिंबू कमालीचे महागले: आवक कमी झाल्याचा परिणाम; १५ दिवसांतच दरवाढ
Solapur News : सध्या उन्हाळ्यात लिंबाचा दर भडकल्याने लिंबू सरबतही महाग झाला आहे. आवक कमी झाल्याने लिंबू महाग झाल्याचे व्यापाऱ्यांनी सांगितले. किरकोळ बाजारात एरव्ही १०० ते २०० रुपयांना शेकडा असणारा लिंबू सध्या ४०० ते ५०० रुपये झाला आहे.
सोलापूर : एरव्ही स्वयंपाक घरात जिरे, मोहरी, कोथिंबीर, हिरवी मिरची या बरोबरच चवीसाठी व उन्हाळ्यात सरबतासाठी लागणाऱ्या लिंबाच्या दरात वाढ झाली आहे. काही दिवसांपूर्वी किरकोळ बाजारात एक रुपयाला मिळणारे लिंबू सध्या पाच रुपयांना एक मिळत आहे. बाजार समितीत आवक कमी झाल्याचा हा परिणाम आहे. उन्हाळ्याच्या पार्श्वभूमीवर दर आणखी वाढण्याची शक्यता आहे.