लॉकडाउनचा परिणाम : फूल शेती धोक्‍यात 

पांडे (सोलापूर) : करमाळ्याच्या पूर्व भागात फूल शेती क्षेत्र जास्त आहे. येथील फुले पुणे, मुंबई येथील बाजारपेठेत पाठवतात. "कोरोना' असल्याने लॉकडाउनने व्यवहार ठप्प असून मागणी नसल्याने शेतात फुले जागेवर सुकली आहेत. यामुळे उत्पादक शेतकरी अडचणीत आहेत. 

हेही वाच : 'उजनी'चा पाणीसाठा आला 36 टक्‍क्‍यांवर 

शेतीसाठी घेतले विकतचे पाणी 
दुष्काळी स्थितीत शेतकरी कर्ज घेऊन शेतीसाठी पाणी विकत घेत आहेत. "कोरोना' असल्याने लॉकडाउनने उन्हाळ्यातील लग्नसराई, सत्कार समारंभ कार्यक्रम रद्द करण्यात आले. त्यामुळे फुलांना मागणी कमी झाली आहे. गुलाब, झेंडू, गुलछडी, शेवंती, मोगरा आदी फुलांना मोठ्या प्रमाणावर मागणी असते. परंतु, सध्या कार्यक्रम रद्द झाल्याने फूल शेती धोक्‍यात आली आहे. 

गुलाब, गुलछडी, झेंडू, मोगरा फुले शेतात सुकत आहेत. यामुळे शेतकरी धास्तावला असून शासनाने फूल शेतीला अनुदान द्यावे. 
-एकनाथ मोहळकर, शेतकरी