Devotion Unites All: Hindu-Muslim Brotherhood Shines During Madha Wari
esakal
-किरण चव्हाण
माढा: आषाढी वारी ही केवळ भक्तीची नव्हे, तर सामाजिक समतेची आणि सर्वधर्मसमभावाची परंपरा जपणारी वारी आहे, याची प्रचिती बार्शी तालुक्यातील काटेगाव येथून निघालेल्या श्री हनुमान मंदिर देवस्थानच्या पालखी सोहळ्यातून पुन्हा एकदा आली. १२५ वारकऱ्यांसह निघालेल्या या दिंडीत १५ मुस्लिम बांधवांनीही उत्स्फूर्त सहभाग घेत माढ्यातील कसबा पेठेतील ऐतिहासिक श्री विठ्ठल मूर्तीचे दर्शन घेतले आणि पंढरपूरच्या दिशेने प्रस्थान केले.
