करमाळा/मंगळवेढा/मोडनिंब: सर्वोच्च न्यायालयाच्या आदेशानंतर कोल्हापूरच्या नांदणी येथील नागरिकांशी भावनिक नाळ जुळलेल्या महादेवी (माधुरी) हत्तीणीला अंबानी समूहाच्या गुजरातमधील वनतारा हत्ती संवर्धन केंद्रात हलविण्यात आले आहे. कोल्हापूरसह राज्यभर या घटनेचा निषेध होत आहे. महादेवीला परत आणण्यासाठी कोल्हापूरमध्ये जनआंदोलन उभे राहिले आहे. आता महादेवीला आणण्याच्या मोहिमेमध्ये सोलापूर जिल्ह्यातील नागरिकही सहभागी झाले आहेत.