सोलापूर : सप्टेंबर २०२३ मध्ये मोहोळ तालुक्यातील देवडी पाटीजवळ दत्तात्रय घोडके, गणेश घोडके या दोघांना पोलिसांनी पकडले होते. त्यांच्याजवळ सहा कोटी दोन लाखांचे तीन किलो १० ग्रॅम मेफेड्रिन (एमडी ड्रग्ज) सापडले होते. ११ आरोपींकडून तब्बल सव्वानऊ कोटींचे एमडी ड्रग्ज पकडले होते. यातील संशयित आरोपी किरणकुमार सूर्यकांत बिराजदार पाटील (रा. बिदर, कर्नाटक) व सनी अरुण पगारे (रा. नाशिक) यांनी जामिनासाठी सोलापूर जिल्हा व सत्र न्यायालयात केलेला जामिनाचा अर्ज जिल्हा सरकारी वकिलांचा युक्तिवाद ग्राह्य मानून न्यायालयाने फेटाळला आहे.
