राम सातपुते म्हणाले, "माळीनगर साखर कारखाना ही शेतकऱ्यांवर प्रेम करणारी संस्था आहे. ती वाढली व टिकली पाहिजे. शेतकऱ्यांच्या जीवनात नंदनवन करण्याचे काम या कारखान्याने केले आहे."
माळीनगर : माळीनगर साखर कारखाना (Malinagar Sugar Factory) भविष्यासाठी देवेंद्र फडणवीस (Devendra Fadnavis) यांनी दत्तक घेतला आहे. या कारखान्याचे सर्वच प्रश्न व अडीअडचणी सोडविण्यासाठी मी पूर्ण ताकदीने आपल्या मागे उभा असल्याचे प्रतिपादन माजी आमदार राम सातपुते यांनी केले. विधानपरिषदेवर जाण्याचे संकेतही राम सातपुते (Ram Satpute) यांनी यावेळी दिले.
