मोहोळ - राष्ट्रमाता इंदिरा कन्या प्रशाला ते जुना ढोक बाभुळगाव रस्त्यासह मोहोळ शहरातील मुख्य रस्ता, शिमोल्लंघन पांद, रोड व विविध प्रभागातील रस्त्यावर मोठ मोठे खड्डे पडल्याने सर्वसामान्य नागरिकांना त्रास सहन करावा लागत आहे..त्वरित रस्ते दुरुस्त करावेत या मागणी साठी राष्ट्रवादीच्या (उपमुख्यमंत्री अजित पवार गट) तत्कालीन महिला शहराध्यक्षा यशोदा कांबळे यांनी मोहोळ नगर परिषदेसमोर बेमुदत धरणे आंदोलन सुरू केले आहे. आंदोलनाची दखल न घेतल्यास दररोज एक वेगळ्या प्रकारचे आंदोलन करण्याचा इशारा श्रीमती कांबळे यांनी दिला आहे..शहरातील उड्डाणपूल ते लोकनेते चौक या रस्त्यावर मोठ-मोठे खड्डे पडले आहेत. पावसाचे पाणी गटारीत जावे म्हणून रस्त्याच्या मध्यभागी जागोजागी चेंबर केले आहेत, ते ही दबले आहेत. त्यामुळे पाण्याचा अंदाज न आल्याने दुचाकी व चार चाकी वाहने आढळून अपघात होत आहेत. तसेच शहराच्या मध्यवर्ती ठिकाणी ग्रामीण रुग्णालय आहे..त्या ठिकाणी उपचारासाठी रुग्णांना रुग्णवाहिकेतून आणताना हादरे बसत आहेत. इंदिरा प्रशाला ते ढोक बाभुळगाव हा रस्ता आहे अत्यंत खराब झाला आहे, त्यामुळे त्या परिसरातील राहणारे पालक आपल्या पाल्यांना शाळेतही पाठवेनात. तरी जो पर्यंत खड्डे बुजविले जात नाहीत तोपर्यंत आंदोलन सुरू ठेवणार असल्याचे श्रीमती कांबळे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
