अन डॅाक्टर देखील होऊ लागले कोरोना मूक्त 

सोलापूरः शहरातील एकूण पाच डॉक्‍टर कोरोनाबाधित झाल्यानंतर त्यापैकी दोन डॉक्‍टर कोरोनामुक्त झाल्याने घरी आले आहेत.

हेही वाचाः बेंदूर सणाच्या दुसऱ्या दिवशी ते करता शिकारी 

सोलापुरात कोरोना संसर्गाच्या साथीत शहरातील काही डॉक्‍टर आढळले होते. एकूण पाच डॉक्‍टरांना कोरोनाचा संसर्ग झालेला होता. हे डॉक्‍टर पुण्यात खासगी रुग्णालयात उपचारासाठी गेले होते. एक डॉक्‍टर व त्यांची आई कोरोना संसर्ग झाल्यानंतर सिव्हिल हॉस्पिटलमध्ये अडकले होते. त्यांना खासगी रुग्णालयात जाण्याची परवानगी मागण्याची कोणतीच सोय नव्हती. तेव्हा त्यांनी फेसबुकवर त्यांचा स्वतःचा व्हिडीओ व्हायरल करून मागणी केली होती. यात ते सिव्हिल येथे त्यांच्या वृद्ध आईची अन्य आजाराच्या त्रासाने स्थिती अधिकच खालावत असल्याचे म्हणाले होते. या व्हिडीओची दखल घेऊन त्यांना पुण्याला उपचारासाठी पाठवण्याचा निर्णय घेतला होता. या निर्णयाचा चांगला परिणाम मिळाला आहे. संबंधित डॉक्‍टर व त्यांची आई असे दोघे कोरोनामुक्त होऊन सुखरूप परतले आहेत. 

हेही वाचाः महापौर निवासानंतर कोरोनाचा आयुक्त कार्यालयाला विळखा 

शहरातील एका प्रसूतीतज्ज्ञास कोरोनाची बाधा झाली होती. त्यांच्यावर पुण्यात उपचार झाल्यानंतर तेही आजारातून मुक्त झाले आहेत. 
अजूनही तीन डॉक्‍टरांवर उपचार करत असल्याचे समजते. मात्र, लवकरच ते उपचार पूर्ण करून घरी येतील असे सांगितले जाते. वैद्यकीय क्षेत्रातील डॉक्‍टर मंडळी सातत्याने कोरोनाबाधित डॉक्‍टरांच्या तब्येतीची विचारपूस करीत आहेत.