नाशिक जिल्ह्यातील लासलगाव बाजार समितीच्या तुलनेत या ठिकाणी कांद्याची आवक येत आहे.
सोलापूर : येथील कृषी उत्पन्न बाजार समितीत (Solapur Market Committee) सध्या सोलापूरसह बीड (Beed), लातूर (Latur), उस्मानाबाद (Osmanabad), पुणे (Pune) आणि कर्नाटकातून (Karnataka) मोठ्या प्रमाणावर कांद्याची (Onion) आवक वाढू लागली आहे. समाधानकारक दर मिळू लागल्याने मागील काही दिवसांपासून दररोज सरासरी 325 ते 350 गाड्यांची आवक आहे. प्रतिक्विंटल शंभर रुपये ते तीन हजार 800 रुपयांपर्यंत दर आहे. दरम्यान, ग्रामदैवत श्री सिद्धेश्वर महाराजांच्या यात्रेनिमित्त (Siddheshwar Yatra) तीन दिवस कांदा लिलाव (Onion Auction) बंद ठेवले जाणार आहेत. (Onion auction will be closed for three days in Solapur market committee)
सोलापूर कृषी उत्पन्न बाजार समितीत दरवर्षी कांद्याची सर्वाधिक आवक नोंदविली जाते. नाशिक जिल्ह्यातील लासलगाव बाजार समितीच्या तुलनेत या ठिकाणी कांद्याची आवक येत आहे. व्यवहारातील पारदर्शकता, चांगला दर मिळत असल्याने आवक वाढत असल्याचे बाजार समितीकडून सांगण्यात आले. मागील काही दिवसांपासून नव्या कांद्याची आवक वाढली असून सव्वातीनशे ते साडेतीनशे गाड्यांची आवक आहे. यंदा अतिवृष्टी, अवकाळीमुळे कांद्याचे क्षेत्र कमी झाले व त्यामुळे चांगला दर मिळू लागल्याने शेतकऱ्यांमध्ये आनंदाचे वातावरण आहे. तरीही, आणखी दर वाढण्याची शेतकऱ्यांना आशा आहे. दरवर्षीप्रमाणे यंदाही 12 ते 14 जानेवारी या काळात ग्रामदैवत श्री सिद्धेश्वरांची यात्रा होणार आहे. त्यानिमित्ताने तीन दिवस बाजार समितीतील कांद्याचे लिलाव बंद राहतील, असेही बाजार समितीकडून सांगण्यात आले आहे. शेतकऱ्यांनी त्याची नोंद घ्यावी, असे आवाहनही बाजार समितीकडून करण्यात आले आहे.
बाजार समितीची माहिती...
बाजार समितीत दररोज सरासरी कांद्याच्या सव्वातीनशे ते साडेतीनशे गाड्यांची आवक
प्रतिक्विंटल किमान 100 रुपये ते जास्तीत जास्त तीन हजार ते तीन हजार 800 रुपयांचा दर
नव्या कांद्याला मिळतोय समाधानकारक दर; श्री सिद्धेश्वर यात्रेनिमित्त तीन दिवस कांदा लिलाव राहणार बंद
मकर संक्राती दिवशी लिलाव होणार नाहीत; 12, 13 आणि 14 जानेवारीला कांदा लिलाव बंद
ग्रामदैवत श्री सिद्धेश्वर महाराजांची यात्रा, मकर संक्रांतीनिमित्त बाजार समितीतील कांदा लिलाव 12 ते 14 जानेवारी या दिवशी बंद राहणार आहेत. शनिवारी (ता. 15) लिलाव पुन्हा सुरू होतील.
- चंद्रकांत बिराजदार, सचिव, सोलापूर कृषी उत्पन्न बाजार समिती
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
