ऑनलाइन सहजयोग ध्यान वरदानच 

सोलापूर : सहजयोग ध्यानाला नुकतेच 50 वर्षे पूर्ण झाली आहेत. संपूर्ण विश्‍वाचे चक्र अचानक थांबले आणि सर्व साधक आपल्या घरातच बंदिवासात गेले. 120हून अधिक देशांतील सहयोग ध्यान केंद्रांत या साथीच्या रोगामुळे सामूहिक साप्ताहिक ध्यानकेंद्र स्थगित करावे लागले. अशा अनिश्‍चित परिस्थितीत, ऑनलाइन ध्यान एक वरदानच ठरले आणि यात बघता- बघता सुमारे 80-85 देशांतील लाखो सहजयोगी साधक आणि नवीन साधकही पुण्यातील श्री माताजींचे जगप्रसिद्ध निवासस्थान "प्रतिष्ठान' येथून प्रसारित होत असलेल्या ऑनलाइन कार्यक्रमांतून फेसबुक आणि यूट्यूबद्वारे जोडले गेले आहेत. 

हेही वाचा : यंदा वारीत मानसिकदुष्ट्या वारीत सहभागी होणार 

याच अनुषंगाने मागील 60 दिवसांत लॉकडाउन कालावधीत ऑनलाइन ध्यान कार्यक्रम आयोजित केल्याने 9 मे रोजी जगभरातील सहजयोग कुटुंबाला तीन विश्‍व विक्रमांनी गौरविण्यात आले. ग्लोबल रेकॉर्डस अँड रिसर्च फाउंडेशन (जी.आर.आर.एफ.) ही विश्‍वविक्रम आणि पुरस्कारांसाठी एक जागतिक दर्जाची संस्था असून ज्याने 22 मार्च ते 5 मे दरम्यान ऑनलाइन सहजयोग ध्यान कार्यक्रमांना तीन प्रतिष्ठित विश्‍व विक्रम पुरस्कार प्रदान केले. 

एक म्हणजे ग्लोबल रेकॉर्ड सर्वात मोठ्या सामूहिकतेद्वारे ऑनलाइन ध्यान. दुसरा आशिया पॅसिफिक रेकॉर्ड - आशिया खंडातील सर्वात जास्त नागरिकांद्वारे केले गेलेले ऑनलाइन ध्यान आणि तिसरा म्हणजे राष्ट्रीय रेकॉर्ड - सर्वात मोठे दररोज केले जाणारे ऑनलाइन ध्यान. या सहजयोगाला 50 वर्षे पूर्ण झाल्याने सुवर्ण महोत्सवी उत्सव, यूट्यूब आणि फेसबुकद्वारे खासकरून नवीन साधकांसाठी सामूहिक ध्यान आणि अन्य आध्यात्मिक कार्यक्रम 22 मार्च ते 5 मे या कालावधीत आयोजित केले आहेत. 

हेही वाचा : होम क्वारंटाईन केलेल्या व्यक्ती इतत्र फिरल्याप्रकरणी पाच जणांवर गुन्हा 

लॉकडाउन दरम्यान सहजयोग ध्यान करण्यासाठी मागील 60 दिवसांत दैनंदिन सुमारे चार लाख साधकांनी पुणे प्रतिष्ठानच्या यूट्यूब वाहिनीला 90 देशांतून भेट दिली. 3 मे रोजी तीन लाखांहून अधिक नवीन साधकांनी ऑनलाइन आत्म-साक्षात्कारचा लाभ घेतला होता. 

ऑनलाइन ध्यान सत्र 

•  सहजयोगाचे सकाळ-संध्याकाळचे ध्यान निःशुल्क दररोज (भारतीय वेळेनुसार) पहाटे 5:30 आणि संध्याकाळी सात वाजता केले जाते. 
• नवीन साधकांसाठी विनामूल्य ध्यान कार्यक्रम : 
•  लॉकडाउन कालावधीत प्रतिकारशक्ती सुधारण्यासह, मानसिक, आध्यात्मिक आणि भावनिक आरोग्य सुधारण्यासाठी साधकांना मार्गदर्शन करण्यासाठी दररोज संध्याकाळी पाच वाजता यूट्यूब आणि ऑनलाइन रेडिओद्वारे 90 मिनिटांच्या सत्रादरम्यान ध्यान आणि अन्य ध्यान संबंधित क्रिया केल्या जातात. 
•  मागील 60 दिवसांत अनेक नवीन साधकांनी तंबाखू आणि धूम्रपान करण्यासारख्या वाईट सवयीपासून मुक्ती मिळवली. काही नागरिक त्यांच्या औदासिन्य आणि मानसिक तणावातून बाहेर आले. 
• झोप न येण्याची समस्याही दूर झाली.