Hurda : हुरड्याचे भाव पोचले ५०० रुपयांवर! | Sakal
sakal

बोलून बातमी शोधा

price of hurda reached 500 rupees agriculture farmer solapur

Hurda : हुरड्याचे भाव पोचले ५०० रुपयांवर!

सोलापूर : यावर्षी हुरड्याची आवक बाजारात सुरू झाली असून तब्बल ५०० रुपये प्रतिकिलो एवढा भाव मिळत आहेत. अतिवृष्टीने या वर्षीचा हंगाम विस्कळित झाला असून, संक्रांतीनंतरच हुरड्याचे भाव कमी होण्याची शक्यता आहे. दरवर्षी थंडी सुरू झाली की हुरडा हंगामाचे वेध लागतात. यावर्षी देखील नोव्हेंबरच्या दुसऱ्या पंधरवड्यात हुरडा दाखल झाला आहे. जादा पावसाचा फटका बसल्याने आवक कमी झाली आहे. परिणामी, मागणीच्या तुलनेत आवक नसल्याने हुरड्याचे भाव गगनाला भिडले आहेत.

सध्या ४८० ते ५०० रुपये प्रतिकिलो एवढ्या दराने हुरडा विकला जात आहे. सर्वसाधारणपणे बाजारात सुरती, गूळभेंडी, कुचकुची, राजहंस, दगडी या प्रकारातील हुरडा बाजारात येतो. पण यावर्षी केवळ सुरती हुरडाच बाजारात आला आहे. हा हुरडा टिकावू आहे. चवीला मधुर असल्याने त्याची विक्री अधिक असते. यावर्षी जादा पावसाचा फटका हंगामाला बसला आहे. त्यामुळे आवक कमी झाली आहे. दीड महिन्यात आवक वाढून भाव कमी होतील, अशी अपेक्षा आहे, असे हुरडा विक्रेते धीरेन गडा यांनी सांगितले.