गौरी गणपती सजावट स्पर्धेचे बक्षीस वितरण, सोलापूर शहर राष्ट्रवादी युवती कॉंग्रेसचा उपक्रम 

सोलापूर : यंदाच्या गणेशोत्सवावर जरी कोरोनाचे संकट असले तरीही महिलांच्या कलागुणांना वाव मिळावा यासाठी सोलापूर शहर राष्ट्रवादी युवती कॉंग्रेसच्यावतीने गौरी गणपतीनिमित्त सजावट स्पर्धा घेण्यात आल्या होत्या. या स्पर्धेचा निकाल आज जाहीर करुन विजेत्यांना पारितोषिक देण्यात आले. सोलापूर शहर राष्ट्रवादी कॉंग्रेसच्या कार्यालयात हा बक्षिस वितरण समारंभ झाला. युवती शहराध्यक्षा आरती हुळ्ळे यांच्या पुढाकारातून हा उपक्रम राबविण्यात आला. 

यावेळी शहराध्यक्ष भारत जाधव, कार्याध्यक्ष संतोष पवार, युवक शहराध्यक्ष जुबेर बागवान, युवती शहराध्यक्षा आरती हुळ्ळे यांची प्रमुख उपस्थिती होती. या स्पर्धेत सौ. स्वाती मुळे, या प्रथम आल्या आहेत. द्वितीय क्रमांक सौ. तनश्री घाडगे यांनी मिळविला आहे. तृतीय क्रमांक वेणू भोजने यांना मिळविला आहे. उत्तेजनार्थ म्हणून सौ. भारती सोलनकर आणि कविता बनसोडे यांना गौरविण्यात आले. विजेत्यांना भेटवस्तू प्रशस्तीपत्रक देण्यात आले. 

सर्व स्पर्धकांना सहभाग प्रमाणपत्र देण्यात आले. याप्रसंगी राष्ट्रवादीच्या सोशल मीडियाचे जिल्हाप्रमुख मिलिंद गोरे, सोशल मीडिया कार्याध्यक्ष युवराज माने, राष्ट्रीय सरचिटणीस सायरा शेख, लता ढेरे, प्राजक्ता बागल, गौरा कोरे, सिया मुलाणी, युवतीच्या पदाधिकारी सुप्रिया लोमटे, सृष्टी आगरकर यांच्यासह स्पर्धेतील बक्षीस विजेते व स्पर्धक उपस्थित होते.