Solapur Rain: बार्शी, करमाळा वगळता ९ तालुके कोरडेच; जूननंतर आता जुलै महिन्यातही निराशाच, सोमवारपासून पुष्य नक्षत्र

सोलापू्र : जूनमधील पावसाने दगा दिल्यानंतर जुलैमध्येही आतापर्यंतच्या पावसाने सोलापूर जिल्ह्याची घोर निराशा केली आहे. जुलैमध्ये आतापर्यंत बार्शी तालुक्यातील ६८.४ मिली मिटर व करमाळा तालुक्यातील ५०.९ मिली मिटर पाऊस वगळता उर्वरित नऊ तालुक्यांमध्ये ५० टक्क्यांच्या आत पाऊस झाला आहे. जिल्ह्यातील खरिप हंगाम वाया गेला असून आता शेतकऱ्यांना पिण्याच्या पाण्याची व पशुधनाच्या चाऱ्याची चिंता सतावू लागली आहे.