सोलापूर : सोलापूर जिल्हा परिषदेच्या अध्यक्ष व उपाध्यक्ष निवडणुकीत राष्ट्रवादी कॉंग्रेसच्या उमेदवारां विरोधात बंडखोरी करणारे माळशिरस तालुक्यातील मोहिते-पाटील गटाच्या जिल्हा परिषद सदस्यांची सुनावणी पुन्हा एकदा सुरु झाली आहे. या सहा बंडखोर सदस्यांना अपात्र करावे अशी मागणी गटनेते तथा राष्ट्रवादीचे जिल्हाध्यक्ष बळिराम साठे यांनी जिल्हाधिकाऱ्यांकडे केली आहे. उच्च न्यायालयाने बंडखोर सदस्यांची याचिका फेटाळल्यानंतर आता या सदस्यांच्या अपात्रतेबाबत जिल्हाधिकारी मिलिंद शंभरकर यांच्याकडे सुनावणी होणार आहे.
जिल्हाधिकारी मिलिंद शंभरकर यांनी आज या सुनावणीची तारीख निश्चित केली आहे. मंगळवारी (ता. 10) दुपारी 12 वाजता जिल्हाधिकारी मिलिंद शंभरकर यांच्याकडे या बंडखोर सदस्यांची सुनावणी होणार आहे. माळशिरस तालुक्यातील राष्ट्रवादी कॉंग्रेसच्या जिल्हा परिषद सदस्या स्वरुपाराणी मोहिते-पाटील, शितलादेवी मोहिते पाटील, अरुण तोडकर, मंगल वाघमोडे, सुनंदा फुले आणि गणेश पाटील या सदस्यांनी राष्ट्रवादीचा व्हिप डावलत जिल्हा परिषद अध्यक्ष व उपाध्यक्ष निवडीत बंडखोरी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
