सोलापूर : राष्ट्रीय स्वयंसेवक संघाचे सरसंघचालक मोहन भागवत हे गुरुवारी (ता. १७) एका कार्यक्रमासाठी सोलापुरात आले होते. त्यांच्या दौऱ्यात सोलापूर शहर-जिल्ह्यातील काही कार्यकर्ते आंदोलनाच्या तयारी होते, काहींनी तसा इशाराही दिला होता. या पार्श्वभूमीवर शहर-ग्रामीण पोलिसांनी काही आंदोलकांना त्यांच्याच घरी, काहींना पोलिस ठाण्यात आणून निगराणीखाली ठेवले होते. श्री. भागवत हे सोलापुरातून बाहेर पडल्यानंतर त्या कार्यकर्त्यांना पोलिसांनी सोडून दिले.