voting
ESakal
सांगोला - सांगोला तालुक्यात शिक्षक आणि पदवीधर मतदारसंघाच्या निवडणुकीची यंदा चांगलीच चर्चा रंगली आहे. या निवडणुकीत राजकीय पक्षांसह स्थानिक नेतेमंडळींनी लक्ष घातल्याने मतदानाच्या राजकारणाला वेगळेच वळण मिळाले आहे. मतदारांचा कल कोणाकडे आहे, कोण पसंतीक्रमांक एक देणार, कोण दोन किंवा तीन क्रमांकाची पसंती देणार, याचा अंदाज घेण्यासाठी कार्यकर्त्यांकडून मतदारांच्या याद्या तयार केल्या जात आहेत. या याद्यांना ‘एबीसी’ अशी वर्गवारी देण्यात येत असल्याने सांगोला तालुक्यात सध्या ‘एबीसी पॅटर्न’ चांगलाच गाजत आहे.
