मारहाण झालेला चालक सिद्धलिंगय्या स्वामी याचा फोटो पाठवला आहे
sakal
मोहोळ : तुमची मालट्रक ओव्हरलोड आहे, असे सांगत जादा पैशाची मागणी करणाऱ्या टोल नाक्यावरील कर्मचाऱ्याला पैसे देण्यास नकार दिल्याच्या कारणावरून चालकाला बेदम मारहाण करून त्याला गंभीर जखमी केल्या प्रकरणी दोघा जणा विरोधात मोहोळ पोलिसात गुन्हा दाखल झाला आहे. सिद्धलिंग राचेय्या स्वामी वय 31 रा सस्तापूर ता बसवकल्याण असे मारहाण केलेल्या चालकाचे नाव आहे. ही घटना मंगळवार ता 24 रोजी दुपारी तीन वाजता सोलापूर पुणे राष्ट्रीय महामार्गावरील सावळेश्वर टोल नाक्यावर घडली. धनराज हाके रा जुना तुळजापूर नाका सोलापूर व नवनीत डांगे रा मडके वस्ती पुन्हा नाका सोलापूर अशी गुन्हा दाखल झालेल्यांची नावे आहेत. त्यांना दोन दिवस पोलीस कोठडी मिळाली आहे.