"मोहोळ पोलीसांनी पकडला तीन लाखाचा गुटखा"

मोहोळ : मोहोळ शहरात अवैद्य मार्गाने विक्री करण्यासाठी साठवून ठेवलेला तीन लाख रुपये किमंतीचा गुटखा मोहोळ पोलिसांनी ता 6 एप्रिल रोजी दुपारी चारच्या सुमारास जप्त केला. याप्रकरणी एकाला ताब्यात घेतले असून त्याच्या विरुद्ध मोहोळ पोलिस ठाण्यात गुन्हा दाखल करण्यात आला आहे .राजकुमार शिवशंकर कुर्डे रा साठे नगर मोहोळ ( वय 35 ) असे अटक केलेल्याचे नाव आहे .

या संदर्भात मिळालेल्या माहिती नुसार,मोहोळ शहरातील साठे नगर येथे अवैद्य मार्गाने विक्री करण्यासाठी गुटखा साठवून ठेवल्याची गोपनीय माहिती मोहोळचे पोलिस निरीक्षक अशोक सायकर यांना मिळाली होती . त्यानुसार मोहोळ पोलिस ठाण्यातील गुन्हे अन्वेषण विभागाच्या पोलिसांनी मिळालेल्या माहितीच्या आधारे जाऊन खातर जमा केली असता ‌ सदर ठिकाणी विक्री करीता एका गाळ्यामध्ये तीन लाख बारा हजार रुपये किंमतीचा गुटखा व इतर पान मसाल्याचा साठा करून ठेवल्याचे निदर्शनास आले .

हा सर्व मुद्देमाल पोलिसांनी ताब्यात घेतला आहे . या प्रकरणाचा तपास मोहोळचे सहाय्यक पोलीस निरीक्षक राजकुमार डुणगे करीत आहेत . सदरची कामगिरी पोलिस अधीक्षक तेजस्वी सातपुते, अप्पर पोलीस अधीक्षक हिंमतराव जाधव, उपविभागीय पोलिस अधिकारी अमोल भारती ,यांच्या मार्गदर्शनाखाली पोलिस निरीक्षक अशोक सायकर , पोलीसहेड कॉन्स्टेबल शरद ढावरे, पांडुरंग जगताप ,पोलीस नाईक अमोल घोळवे . हरिश थोरात यांनी केली .