Solapur Crime : आईकडील पैशाच्या वाटणीवरुन जोरदार हाणामारी; पाठीत घातला दगड

सोलापूर : आईचे (Mother) पैसे आले असून त्याचे चार हिस्से करून सर्वांची समान वाटणी करा, अशी मागणी केल्यावर चौघांनी मारहाण करून जखमी केल्याची फिर्याद लक्ष्मी मोहन इगवे (रा. केगाव, नागोबा मंदिराजवळ) यांनी फौजदार चावडी पोलिसांत (Police) दिली. त्यावरून चौघांविरुद्ध गुन्हा दाखल झाला आहे.

दरम्यान, फिर्यादी लक्ष्मी इगवे या घरात पाणी भरत असताना संशयित आरोपी अमोल ऊर्फ आमदार इगवे हा त्याठिकाणी आला. त्याने हाक मारून बाहेर बोलावून घेतले. आईच्या नावे आलेले पैसे समान प्रमाणात वाटून घेण्यावरून चौघांनी मारहाण केली. अमोल इगवे याने शिवीगाळ केली. त्याला समजावून सांगत असताना दगड उचलून पाठीत मारला.

फिर्यादी जमिनीवर पडल्यानंतर मुक्कामार लागला. फिर्यादीचा मुलगा शंकर इगवे यालाही बाबा इगवे, झंकु इगवे यांनी मारहाण केली. दगडाने मारहाण करून दरवाजाचे नुकसान केले. बाबा याने तुम्हाला बघून घेतो म्हणून दमदाटी केली. कमलाबाई इगवे हिनेही दमदाटी केल्याचे फिर्यादीत नमूद आहे. पोलिस नाईक ढोबळे तपास करीत आहेत.