Solapur Development Work Hit By Election Code Of Conduct With 1483 Crore Water Project And 1024 Crore Flyovers Delayed
sakal
सोलापूर : केंद्रीय निवडणूक आयोगाने विधान परिषदेच्या पाच पदवीधर व शिक्षक मतदारसंघांच्या निवडणुकीचा कार्यक्रम जाहीर केला आहे. त्यामुळे २७ ऑक्टोबरपर्यंत लागू राहणाऱ्या आचारसंहितेमुळे शहरातील महत्त्वाच्या विकासकामांना दीड महिन्याचा ब्रेक लागला आहे. शहरातील १ हजार ४८३ कोटी रुपयांच्या पाणीपुरवठा प्रकल्पाची निविदा प्रक्रिया, १ हजार २४ कोटी रुपयांच्या दोन उड्डाणपुलांच्या कामांचे कार्यादेश, १५७ पदांची भरती, २४९ रोजंदारी कर्मचाऱ्यांना सेवेत कायम करण्याची प्रक्रिया आणि बाळीवेस येथील बीओटी प्रकल्पाचा निर्णय लांबणीवर पडणार आहे.
