Solapur ganeshotsav : मंगळवेढ्यात चंद्रयाण देखावा पाहण्यास गर्दी

मंगळवेढा - शहरातील शनिवार पेठ परिसरात छत्रपती शिवाजी तरूण मंडळाच्या वतीने यंदाच्या गणेशोत्सवात चंद्रयान- 3 देखावा तयार केला असून तो देखावा पाहण्यासाठी शहरासह परिसरातील गणेश भक्ताची गर्दी मोठ्या प्रमाणात होत आहेत.

शहर व ग्रामीण भागातून जवळपास 221 पेक्षा अधिक गणेश मंडळांनी मुर्तीची स्थापना केली. परंतु शहरांमध्ये जय जवान गणेश मंडळाबरोबर काही निवडक गणेश मंडळांनी प्रबोधनाचे देखावे व सांस्कृतिक कार्यक्रमाचे आयोजन केले. त्यामध्ये शनिवार पेठेतील शिवाजी तालिम येथील छत्रपती शिवाजी तरूण मंडळाचा उल्लेख करावा लागेल.

मंडळाचे यंदाचे 49 वर्ष असून यापूर्वी अनेक उपक्रम त्यांनी राबवल्यामुळे त्यांना आदर्श गणेश मंडळाचे पुरस्कार देखील मिळाले आहेत.2015 साली दुष्काळी गावांच्या प्रबोधनासाठी पाणी आडवा ,पाणी जिरवा यामधील नालाबल्डींगचा देखावा सादर केला, 2016 आदर्श गाव ,तर 2017 ला स्वच्छता अभियान, 2018 ला कोकण भागातील गणेश दर्शन, 2019 मध्ये काल्पनिक मंदिर, 2021 ला आकर्षक सजावट, 2022 ला स्वातंत्र्याचा अमृत महोत्सव अशा देखाव्याना नगरपालिका व पोलिस स्टेशन कडून प्रत्येकी दोन वेळा पुरस्कार मिळालेले आहेत.

मूर्तीच्या गळ्यातील हार फेकून देण्याऐवजी निर्मल कलश अभियान राबवून ते सर्व हाल एकत्र करून त्याचे विल्हेवाट लावण्याचे काम या मंडळाने केले.यंदा भारताने चंद्रयान मोहीम यशस्वी केल्यामुळे त्या शास्त्रज्ञांचे अभिनंदन करण्याच्या दृष्टिकोनातून या मंडळांनी हा देखावा उभा करण्यात आलेला आहे यामध्ये यान अवकाशात झेप घेऊन ते लँडर चंद्रावर उतरल्याचा हा देखावा दर्शनीय केला आहे त्यामुळे हे हा देखावा पाहण्यासाठी आलेल्यांना काही वेळ आपण अवकाशात असल्याचा भास होतो

आमच्या मंडळाचे यंदा 49 वे वर्षे असून यापूर्वी आम्ही सेंद्रिय शेती, स्वच्छ भारत मिशन,जलसंधारण,पाणी आडवा पाणी झिरवा असे वेगवेगळे प्रबोधनाचे उपक्रम राबवले यंदा, भारताची चंद्रयान मोहीम यशस्वी झाल्याच्या आठवणीसाठी चंद्रयान मोहिमेचा देखावा सादर केला आहे.सुवर्ण महोत्सवी वर्षात संत सुष्टी दाखवण्याचा प्रयत्न केला जाणार आहे.

आण्णा चौगुले, अध्यक्ष, छत्रपती शिवाजी गणेश मंडळ, शनिवार पेठ