मोहोळ : लोटस स्कूल, मोहोळ च्या वतीने आज आषाढी यात्रे निमित्त प्रबोधन दिंडीचे आयोजन करण्यात आले. या दिंडीचा प्रारंभ शाळेच्या प्रांगणामध्ये विठ्ठलाच्या पूजनाने व रिंगण सोहळ्याने झाला. श्रीमती लिलाबाई वसंतराव कुलकर्णी यांच्या स्मरणार्थ दत्तात्रय कुलकर्णी व माधुरी कुलकर्णी यांनी शाळेस पितळेचे तुळशी वृंदावन भेट दिले.
दिंडी सोहळ्या निमित्त शाळेच्या प्रांगणात आकर्षक रांगोळी काढलेली होती. संस्थेच्या संचालिका विजया देशपांडे यांनी विद्यार्थ्यांना वारीचा इतिहास सांगून मार्गदर्शन केले. त्यानंतर विद्यर्थ्यांनी विठू नामाचा जयघोष करीत शाळेपासून बुधवार पेठ, शिवाजी चौक, नगरपरिषद कार्यालय, तहसिल कचेरी, आदर्श चौक या मार्गाने पायी चालत दिंडी काढली. त्यावेळी पद्मावती भजनी मंडळाच्या अलकनंदा कुलकर्णी, भारती देशपांडे, मोहिनी देशपांडे यांनी भजन गायन करून विद्यार्थ्यांचा उत्साह वाढविला.
दिंडी आदर्श चौक येथे आल्यानंतर शाळेच्या विद्यार्थिनींनी पथनाट्य सादर करून "बेटी बचाओ बेटी बढाओ" चा संदेश दिला. हे पथनाट्य यशस्वी होण्यासाठी शाळेच्या शिक्षिका कुमुदिनी नवले, ललित पाटील, उर्मिला शिरसट, गंगा नाईक यांनी परिश्रम घेतले. या दिंडीमध्ये शाळेतील सर्व विद्यार्थी, शिक्षक व अनेक पालक सहभागी झाले होते.
या दिंडीचे कौतूक शहर वासीयांनी केले.हा उपक्रम यशस्वी होण्यासाठी संस्थचे अध्यक्ष डॉ. जयंत गोळवलकर, उपाध्यक्ष प्रा. नंदकिशोर देशपांडे, सचिव अॅड. अमोल देशपांडे, मुख्याध्यापिका केतकी अमोल देशपांडे व उप मुख्याध्यापिका नम्रता अमित कुलकर्णी व इतर सर्व शिक्षकांनी परिश्रम घेतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.