-प्रमिला चोरगी
सोलापूर : शहरातील ई टॉयलेटबाबत महपालिकेला तब्बल चार वर्षांनी चूक उमगली. त्यामुळे ई-टायलेटची सेवा मोफत देण्याचा निर्णय पालिकेने घेतला आहे. त्यासाठी चेन्नईच्या कंपनीला देखभाल व दुरुस्तीचा दोन वर्षांचा ४० लाखाचा मक्ता दिला आहे. स्मार्ट सिटी योजनेअंतर्गत शहरातील वर्दळीच्या २५ ठिकाणी ५१ ई-टॉयलेट उभारण्यात आले होते. या ई-टॉयलेटमुळे शहरात स्वच्छता आणि सार्वजनिक सुविधांमध्ये सुधारणा अपेक्षित होती. पण, सुविधेसाठी सुट्टे पैसे टाकावे लागत. गरजेच्या वेळी नागरिकांकडे नाणे नसल्याने ई-टायलेट अडगळीत पडून होते. पालिकेला चार वर्षांनी चूक उमगली आणि आता सुविधा मोफत झाली.