सोलापूर : अनैतिक मानवी वाहतूक प्रतिबंधक कक्षाने शुक्रवारी (ता. २३) विजापूर रस्त्यावरील अत्तार कॉम्प्लेक्समधील माया फॅमिली स्पा सेंटरवर छापा टाकून मसाजच्या नावाखाली सुरू असलेला बेकायदा देहविक्रय उघडकीस आणला. तेथे चार पीडित महिला आढळून आल्या. याप्रकरणी स्पा सेंटरच्या चालकासह मालकाविरुद्ध विजापूर नाका पोलिस ठाण्यात गुन्हा दाखल केला आहे. पोलिसांनी चालकास अटक केली असून त्याला चार दिवसांची पोलिस कोठडी मिळाली आहे.