सोलापूर : तीन तालुक्‍यांना अवकाळी पावसाचा जोरदार तडाखा | Sakal
sakal

बोलून बातमी शोधा

Solapur rains rainfall recorded three talukas

सोलापूर : तीन तालुक्‍यांना अवकाळी पावसाचा जोरदार तडाखा

सोलापूर : शहर व जिल्ह्यात अवकाळी पावसाने गुरुवारी रात्री कमी-अधिक प्रमाणात सर्वत्र हजेरी लावली. अक्कलकोट, मोहोळ, मंगळवेढा या तीन तालुक्याला अवकाळी पावसाचा जोरदार तडाखा बसला. विजांच्या कडकडाटासह या तीन तालुक्यात अवकाळी पावसाने हजेरी लावली.अक्कलकोट तालुक्यातील अक्कलकोट, जेऊर, करजगी, वागदरी, चपळगाव, किणी या महसूल मंडळात जोरदार पाऊस झाला. अक्कलकोट महसूल मंडळात ५१.५ मिलिमीटर, सोलापूर महसूल मंडळात २३.८ मिलिमीटर पाऊस झाला.

मोहोळ तालुक्यातील मोहोळ, कामती, सावळेश्वर या महसूल मंडळात जोरदार पाऊस झाला. सावळेश्वर महसूल मंडळात ३८.८ मिलिमीटर, कामती महसूल मंडळात २० मिलिमीटर, मोहोळ महसूल मंडळात १९ मिलिमीटर पावसाची नोंद झाली. मंगळवेढा तालुक्यातील मरवडे महसूल मंडळात २५ मिलिमीटर, हुलजंती महसूल मंडळात ३२.३ मिलिमीटर एवढ्या पावसाची नोंद झाली. सोलापूर शहर व परिसरात गुरुवारी सकाळी साडेआठ ते शुक्रवारी सकाळी साडेआठपर्यंत ६.३ मिलिमीटर पावसाची नोंद झाली. शुक्रवारी दिवसभर ढगाळ वातावरण होते.

ऊस गाळपाला अडचणी

सोलापूर जिल्ह्यातील काही साखर कारखान्यांचा गळीत हंगाम अंतिम टप्प्यात आहे. ऊस गाळपासाठी जिल्हा प्रशासन, साखर कारखाना युद्धपातळीवर प्रयत्न करत आहेत. अवकाळी पावसामुळे ऊसतोड व ऊस वाहतूक करण्यासाठी अडथळे निर्माण होत आहेत. आंबा उत्पादक शेतकऱ्यांना अवकाळी पावसामुळे फटका बसण्याची शक्यता आहे.

Web Title: Solapur Rains Rainfall Recorded Three Talukas

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top