सोलापूर : राज्याच्या विकासाचा आलेख महिलांच्या सुरक्षिततेवर मोजला जातो. त्यामुळे महाराष्ट्र राज्य महिला आयोग महिलांची सुरक्षितता व सक्षमीकरणासाठी प्रयत्न करीत आहे. कौटुंबिक हिंसाचार, बालविवाह, अंधश्रद्धा, माता व बालमृत्यू अशा घटना रोखून महिलांना सुरक्षित करण्यासाठी सर्वांनीच एकजुटीने काम करायला हवे, अशी अपेक्षा महिला आयोगाच्या अध्यक्षा रूपाली चाकणकर यांनी व्यक्त केली.
सोलापुरातील नियोजन भवन येथे मंगळवारी (ता. २९) ‘महिला आयोग आपल्या दारी’ हा उपक्रम पार पडला. त्यावेळी आयोगाच्या अध्यक्षा चाकणकर यांनी उपस्थितांना मार्गदर्शनपर सूचना केल्या. यावेळी पोलिस आयुक्त डॉ. राजेंद्र माने, पोलिस अधीक्षक शिरीष सरदेशपांडे, निवासी उपजिल्हाधिकारी शमा पवार, जिल्हा विधी सेवा प्राधिकरणचे सचिव नरेंद्र जोशी, अप्पर पोलिस अधीक्षक हिंमत जाधव, जिल्हा महिला व बालविकास अधिकारी डॉ. विजय खोमणे, उपमुख्य कार्यकारी अधिकारी जावेद शेख, तहसीलदार अंजली मरोड, जिल्हा बाल संरक्षण अधिकारी अतुल वाघमारे, जिल्हा परिविक्षा अधिकारी वैशाली भोसले, परिविक्षा अधिकारी नितीन इरकल, नितीन जाधव, दीपक धायगुडे आदी उपस्थित होते.
रूपाली चाकणकर म्हणाल्या...
वर्षानुवर्षे न्यायाच्या प्रतीक्षेत असलेल्या महिला, मुली, तरुणी, बालिकांना ‘महिला आयोग आपल्या दारी’तून न्याय मिळाला.
ग्रामीण भागातील महिलांना मुंबई कार्यालयात येऊन तक्रार करणे, सुनावणीसाठी उपस्थित राहणे शक्य नसल्याने हा उपक्रम हाती घेतला. सुनावणीवेळी नव्या तक्रारींवर त्याच ठिकाणी कार्यवाही केली जाते; पीडितेला त्वरित दिलासा देण्याचे काम आयोगाद्वारे होते. सोलापुरात तीन पॅनेलमध्ये जनसुनावणी पार पडली; जिल्ह्यातून ८१ थेट तक्रारी आयोगाकडे प्राप्त, संबंधितांना तत्काळ कार्यवाहीच्या सूचना.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.