Solapur Teachers Protest : सोलापूरमध्ये शिक्षकांचा मूक मोर्चा; 'टीईटी' सक्तीविरोधात आवाज

सोलापूर : सर्वोच्च न्यायालयाने इयत्ता पहिली ते आठवीच्या वर्गांवरील शिक्षकांना (ज्यांचे वय ५२ वर्षांपर्यंत आहे) दोन वर्षांत शिक्षक पात्रता परीक्षा (‘टीईटी’) उत्तीर्ण होण्याचा आदेश दिला. मुदतीत टीईटी उत्तीर्ण न झाल्यास त्यांना सक्तीची सेवानिवृत्ती दिली जाईल, असेही आदेशात म्हटले. या निर्णयाविरोधात राज्य सरकारने पुनर्विचार याचिका दाखल करावी, या प्रमुख मागणीसाठी रविवारी सोलापूर जिल्ह्यातील शिक्षकांनी मूक मोर्चा काढला.