Solapur : वाहन परवाना नूतनीकरण झाले सोपे

सोलापूर : ड्रायव्हिंग लायसन्स तयार केल्यानंतर त्याचे वेळोवेळी नूतनीकरण करावे लागते. एक काळ असा होता की, ड्रायव्हिंग लायसन्सचे नूतनीकरण करण्यासाठी आरटीओ कार्यालयाच्या वाहन चालकांना हेलपाटे मारावे लागत होते. पण, आता परिवहन विभागाने नियमात बदल करून वाहन चालविण्याचा परवाना मिळण्याची प्रक्रिया अगदी सोपी केली आहे.

आता तुम्ही तुमच्या ड्रायव्हिंग लायसन्सचे ऑनलाइन नूतनीकरण घर बसल्या करू शकता. यासाठी तुम्हाला काही पायऱ्या (स्टेप्स) नुसार काम करावे लागेल. परिवहन विभागाच्या नव्या नियमावलीनुसार, तुम्ही आता आरटीओ कार्यालयात न जाता https://parivahan.gov.in/parivahan या लिंकवर क्लिक करून ड्रायव्हिंग लायसन्ससाठी अर्ज करता येणार आहे. नियमांनुसार, तुमच्या ड्रायव्हिंग लायसन्सची मुदत संपल्यानंतर, तुम्हाला ३० दिवस नूतनीकरणासाठी मिळतात. दरम्यान तुम्हाला नूतनीकरणासाठी अर्ज करणे आवश्यक आहे.