सोलापूर : जागतिक महिला दिनानिमित्त महिलांनी सोलापूर स्थानकावरुन गाडी क्रमांक 01302 बेंगळुरु-मुंबई उद्यान एक्सप्रेसची धुरा सांभाळली. सोलापूर विभागतील महिला लोको पायलट अनिता राज, सहायक लोको पायलट भावना कोष्टा, गार्ड वैशाली भोसले, स्टेशन मास्तर सुहासिनी शिंदे तसेच तिकीट तपासणीस, हेल्पर, टेक्निशियन, स्टाफ, टॅकमॅन, आणि सुरक्षा रक्षकासहीत महिला कर्मचारी कार्यरत होते. विभागीय रेल्वे व्यवस्थापक शैलेश गुप्ता आणि महिला कल्याण संगठन अध्यक्षा प्रतिभा गुप्ता यांनी हिरवा झेंडा दाखविल्यानंतर उद्यान एक्सप्रेस रवाना करण्यात आली.
यावेळी विभागीय कार्यालयात ऑनलाईन पध्दतीने कार्यक्रम करण्यात आला. यावेळी पोलिस उपायुक्त डॉ. दिपाली धाटे आदी उपस्थित होते. आंतरराष्ट्रीय महिला दिनानिमित्त सोलापूर विभागीय कार्यालय येथे विविध उपक्रमांचे आयोजन केले होते. यावेळी उल्लेखनीय काम करणाऱ्या महिला कर्मचाऱ्यांना प्रमाणपत्र देवून गौरिवण्यात आले. तर महिला कर्मचाऱ्यांनी रेल्वेची सेवा बजावताना आलेले विविध थरारक अनुभव उपस्थितांना सांगितले.
यावेळी अतिरिक्त विभागीय रेल्वे व्यवस्थापक शैलेद्रसिंह परिहार, वरिष्ठ विभागीय कार्मिक अधिकारी जी. पी. भगत, वरिष्ठ विभागीय वाणिज्य व्यवस्थापक प्रदीप हिरडे, वरिष्ठ विभागीय यांत्रिक अभियंता एस. एस. साळवे, वरिष्ठ विभागीय परिचालन व्यवस्थापक ए. एल. रणयेवले, विभागीय कार्मिक अधिकारी रमेश अयर, वरिष्ठ विभागीय विद्युत इंजिनिअर अनुभव वार्ष्णेय, विभागीय सहायक यांत्रिक अभियंता रुपेश जाधव, शाखा अधिकारी, मान्यता प्राप्त युनियनचे व असोसिएशनचे पदाधिकारी, लाभ निधीचे सदस्य, कल्याण संगठनच्या कार्यकारी सदस्या व महिला कर्मचारी आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
