Solapur Mumbai flight: सोलापूर-मुंबई विमानसेवा १ सप्टेंबरपासून होणार सुरू; कंपनीकडून दिलासा, सप्टेंबर महिन्यातील सोलापूर ते मुंबई प्रवासासाठी तिकीट बुकिंग सुरू

सोलापूर: नाईट लॅंडिंग व दृश्यमानतेचे कारण सांगून २८ जून ते ३१ ऑगस्ट असे सलग ६२ दिवस मुंबई विमानसेवा बंद ठेवण्याचा निर्णय स्टार एअर कंपनीने घेतला आहे. पण कंपनीकडून सोलापूरकरांना दिलासा देणारा निर्णय घेत १ सप्टेंबरपासून पुन्हा एकदा स्टार एअर कंपनी सोलापूरकरांच्या सेवेत येणार आहे. १ सप्टेंबरपासूनचे तिकीट बुकिंग सुरू करण्यात आले आहे. कंपनी व तिकीट बुकिंग एजन्सीकडून या वृत्तास दुजोरा देण्यात आला आहे.